Mudofaa vazirligi harbiy xizmatchilarining 94,7 foizi — 1-bosqichda, 91,6 foizi — 2-bosqichda, 61,1 foizi esa 3-bosqichda emlandi. Bu haqda vazirlik axborot xizmati xabar berdi.

Emlashda asosan ZF-UZ-VAC-2001 (xitoy-o‘zbek), shuningdek, «Sputnik V» va Moderna vaksinalaridan foydalanilmoqda.

Avgust oyidan boshlab Qurolli Kuchlarining boshqa ishchi va xizmatchilarini emlash yo‘lga qo‘yilgan.

Emlash ishlarini sifatli tashkil etish maqsadida Mudofaa vazirligi harbiy qism va muassasalar tibbiyot xodimlaridan 647 nafar vaksinatorlar tayyorlangan. Tibbiyot punktlarida 81 ta emlash punktlari, Markaziy harbiy klinik gospitali, Markaziy shifoxona va harbiy gospitallarda 8 ta emlash brigadasi tashkil etildi.