O‘zbekiston boks federatsiyasi karantin vaqtida muxlislar uchun maxsus tanlovni tashkil etdi. Unda o‘zbek bokschi va murabbiylari haqida ajoyib she’riy misralarni taqdim etish kerak.
Tanlov shartiga ko‘ra, she’rni chiroyli tarzda o‘qib bering va videoni Instagram hamda Feysbukdagi sahifangizga #boxinguzbekistan xeshtegi bilan joylashtirish, Instagramga qo‘yilgan videoda @boxinguzbekistan_official akkauntini belgilab qo‘yish talab qilinadi.
Eng yaxshi 3 ta o‘rinni egallaganlar O‘zbekiston boks federatsiyasining maxsus komissiyasi tomonidan aniqlanadi.
Tanlovda g‘olib va sovrindor bo‘lganlarga:
- "BUKA BOXING" kompaniyasining sport ekipirovkalari to‘plami (full);
- Olimpiada chempionlarining dastxati tushirilgan qo‘lqoplar;
- Esdalik uchun medal va diplomlar taqdim etiladi!
Ushbu tanlov joriy yilning 31 mayiga qadar davom etadi.