O‘zbekiston 2019 yilda kamida uchta xorijiy energetika kompaniyalari bilan shartnoma imzolamoqchi. Kelasi yil xorijiy investorlar soni 5 taga yetishi kutilmoqda. O‘zbekiston gaz qazib olish hajmini oshiradi. Bu haqida “O‘zbekneftegaz” AJ boshqaruv raisi Baxodir Sidiqov Toshkentda bo‘lib o‘tgan energetika forumida xabar berdi.
Ehtimoliy hamkorlar sirasiga British Petroleum (Buyuk Britaniya), Total (Fransiya), SOCAR (Ozarbayjon), Rosneft (Rossiya) hamda Novatek (Rossiya)lar kiradi.
Ehtimoliy investorlar O‘zbekistondagi ishlab chiqarishlarini to‘laligicha tashqi bozorga yo‘naltirishmoqchi. Ammo Toshkent ularga «loyiha iqtisodiy ma’noga ega bo‘ladigan darajada» narx taklif etmoqda.
Loyihaning daromadliligi borasidagi savolga janob Sidiqov: “11 foizdan 15-16 foizgacha”, — deya javob qaytargan.
Shuningdek, Baxodir Sidiqov uning kompaniyasi kelgusi yilda 1 mlrd $ yevrobond chiqarishni rejalashtirayotganini ham ma’lum qilgan.