O‘tgan yili ilk bor O‘zbekiston futbol assotsiatsiyasi tomonida liga kubogi musobaqasi tashkil etilgan edi.
Liga kubogi musobaqasining 2020-yilgi mavsumida Qirg‘iziston hamda Tojikistondan 4 tadan jamoa qatnashadi.
Qirg‘izistonning yetakchi klublari – “Dordoy” (Bishkek), “Alay” (O‘sh), shuningdek, “Abdish-ata” (Kant) hamda “Kaganat” (O‘sh) klublari yangi mavsumda Liga Kubogi bahslarida qatnashishini tasdiqlab, rasmiy xat yuborishdi. Shuningdek, Tojikistonning “Ho‘jand” (Ho‘jand), “Regar-TadAZ” (Tursunzoda), “Ko‘ktosh” (Rudakiy) hamda “Istaravshan” (Istaravshan) jamoalari ham O‘zbekiston Liga Kubogida ishtirok etish niyatida ekanini tasdiqladi.
Liga kubogining amaldagi sohibi Toshkentning Paxtakor jamoasi hisoblanadi.