O‘zbekiston havo yo‘llari orqali 9 oyda qancha yo‘lovchi tashilgani ma’lum bo‘ldi

O‘zbekiston havo yo‘llari orqali 9 oyda qancha yo‘lovchi tashilgani ma’lum bo‘ldi

O‘zbekiston havo yo‘llari orqali 2021 yilning dastlabki 9 oyida 2,1 million yo‘lovchi tashildi. Bu haqda Davlat statistika qo‘mitasi xabar qildi.

Ma’lumotlarga ko‘ra, ko‘rsatkich o‘tgan yilning mos davri bilan solishtirganda 3,1 baravarga ortgan. 2020 yilning yanvar—sentyabr oylarida havo transporti orqali 688 ming yo‘lovchi tashilgan edi.

Shuningdek, 9 oyda 4 ming tonna yuk havo yo‘llari orqali yetkazilgan. Yuk hajmi o‘tgan yilning mos davriga nisbatan 13,3 foizga oshgan. 2020 yilda bu ko‘rsatkich 3,5 ming tonnani qayd etgandi.