O‘zbekiston ichki va tashqi qarzining miqdori ochiqlandi
26.08.2020 15:35,
1446
2020 yilning 1 iyul holatiga hukumatimiz nomidan va uning kafolati ostida jalb qilingan qarz mablag‘lari qoldig‘i 19,6 mlrd. AQSh dollari ekvivalentini tashkil etdi. Bu haqda Moliya vaziri Timur Ishmetovning 2020 yilning 1-yarim yilligida Davlat byudjeti ijrosiga bag‘ishlangan Oliy Majlis qonunchilik palatasi yalpi majlisidagi ma’ruzasida ma’lum qilindi.
Davlat tashqi qarzi 1,7 mlrd. AQSh dollariga yoki 2020 yil boshiga nisbatan 10,9 foizga oshib, 1 iyul holatiga 17,3 mlrd. AQSh dollariga yetdi.
Davlat ichki qarzi esa 2020 yilning 1 yanvar holatiga nisbatan 0,3 mlrd. AQSh dollariga oshib, 2,3 mlrd. AQSh dollarini tashkil etdi.