Bu haqda O‘zbekiston prezidentining Afg‘oniston bo‘yicha maxsus vakili Ismatilla Ergashev Balxda “Tolibon” harakati bilan bo‘lib o‘tgan uchrashuvda ma’lum qildi.
“TOLOnews” xabariga ko‘ra, Ergashev afg‘onlar infratuzilma masalasida O‘zbekistonga tayanishi mumkinligini bildirgan.
“Bizdan aeroport faoliyatini tiklash va uskunalarni ta’mirlash uchun yordam berish so‘raldi. Shu bois O‘zbekistondan 30 nafar texnik xodim olib keldik, ular uskunalarni ta’mirlamoqda, aeroportni rekonstruksiya qilmoqda va tez orada aeroport ishga tushadi”, - degan O‘zbekiston prezidentining Afg‘oniston bo‘yicha maxsus vakili.
Aeroportning 83 nafar xodimi o‘qish uchun O‘zbekistonga yuboriladi.