Singapur, Yaman va Saudiya Arabistoni terma jamoalariga qarshi o‘yinlarda Milliy jamoamiz keyingi bosqich yo‘llanmasi uchun kurash olib boradi.
O‘FA terma jamoalar bo‘limi va bosh murabbiy Vadim Abramov ushbu o‘yinlarga tayyorgarlik rejasini tuzib chiqishdi. Ushbu rejalar haqida terma jamoalar bo‘limi boshlig‘i Azizbek Haydarov O‘FA rasmiy youtube kanaliga bergan intervyusida xabar berdi.
Unga ko‘ra, O‘zbekiston milliy terma jamoasi yig‘inni 20 may kuni Toshkent viloyatining Bo‘stonliq tumanidagi Chimyon tog‘ yonbag‘irlarida o‘tkazadi.
Safar oldidan sanitariya-epidemiologiya qoidalariga qat’iy rioya qilgan holda mashg‘ulotlar yopiq tarzda o‘tkaziladi.
28 may sanasida MTJ delegatsiyasi BAAga jo‘nab ketadi va 29 may kuni Dubay shahrida Avstraliya milliy terma jamoasi bilan nazorat o‘yinini o‘tkazadi.
Shunday so‘ng, Milliy jamoamiz Saudiya Arabistoniga yo‘l oladi va 7 iyun kuni o‘tadigan Singapur terma jamoasiga qarshi dastlabki uchrashuvga tayyorgarlik ko‘radi.
O‘zbekiston MTJ 29 may kuni Avstraliya bilan o‘ynaydi
6.05.2021 14:25,
108
Bilasiz, iyun oyida JCh-2022 hamda OK-2023 qo‘shma saralash bahslari doirasida bo‘lib o‘tadigan Saudiya Arabistonidagi markazlashgan turnir startiga oz fursat qolmoqda.