Ijtimoiy tarmoqda «O‘zbekiston Respublikasi Vazirlar Mahkamasining qarori faqat oddiy xalq uchunmi?» sarlavhasi ostida tarqalgan video yuzasidan YHXBB ma’lumot berdi.
2021 yil 9 sentyabr kuni soat 23:00 larda Toshkent shahar, Olmazor tumani, Talabalar ko‘chasida YPX xodimi N.G‘anixo‘jayev tomonidan «Vaz-21063» rusumli avtomobil to‘xtatilgan. Ijtimoiy tarmoqda tarqalgan videoda haydovchiga nisbatan rasmiylashtirilgan bayonnoma bo‘yicha avtomobil vaqtincha saqlash uchun jarima maydoniga qo‘yilganligi holati noto‘g‘ri ekanligi aytilgan.
Hozirda mazkur holat yuzasidan Toshkent shahar IIBB YHXB mas’ul xodimlari tomonidan xizmat tekshiruvi o‘tkazilmoqda. Tekshiruv davomida rasmiylashtirilgan ma’muriy bayonnomaga va avtomobil jarima maydoniga qo‘yilishi holatiga huquqiy baho beriladi.