“O‘zbekiston Rossiyadan katta miqdorda “Tayfun” (K53949) zirhli avtomobilini sotib oldi, ularni yetkazib berish 2019 yilning o‘zidayoq boshlanadi”, deya xabar bermoqda RIA Novosti.
Mudofaa sanoati majmuasidagi manba: “Tayfun” 4x4 zirhli avtomobilini katta miqdorda yetkazib berish bo‘yicha shartnoma tuzildi”, degan.
O‘zbekiston 2019 yilda Rossiyadan BTR-82A rusumli zirhli transportyor, "Tigr" zirhli avtomobili, "Sopka-2” radioaloqa vositasini xarid qilgan. Bundan tashqari, hozirda O‘zbekistonga 12 dona Mi-35M rusumli harbiy-transport vertolyotini yetkazib berish to‘g‘risidagi shartnoma ham bor.
“Tayfun” – himoyasi kuchaytirilgan zirhli avtomobillar oilasiga mansub bo‘lib, 120 dan ortiq tashkilot, xususan, Ural avtomobil zavodi, “Kamaz”, Yaroslavl motor zavodi, Po‘lat ilmiy-tadqiqot instituti (NII stali) tomonidan loyihalashtirilgan. Bu texnika birinchi marta 2011 yili harbiy poligonda, 2014 yil 9 mayda esa Moskvadagi harbiy paradda namoyish qilingan.