Singapur davlatidagi "Singapore Sports Hub Stadium" o‘yingohida JCh-2022 saralashidan o‘rin olgan Singapur hamda O‘zbekiston milliy terma jamoalari o‘rtasidagi uchrashuv nihoyasiga yetdi.
O‘yinda mamlakatimiz vakillari 3:1 hisobida g‘alaba qozonishdi.
Vadim Abramov shogirdlari bu safar ushbu tarkib bilan maydonga tushishdi:
Eldor Suyunov - Faruh Sayfiyev, Rustam Ashurmatov, Islom To‘xtaxo‘jayev, Hojiakbar Alijonov - Jaloliddin Masharipov, Otabek Shukurov, Sanjar Qodirqulov, Odil Ahmedov - Doston Hamdamov, Eldor Shomurodov.
O‘yinning 15-daqiqasida jamoa sardori Odil Ahmedov standart jarima zarbasini qoyilmaqom ijro etib, terma jamoani oldinga olib chiqdi.
Birinchi bo‘limning so‘nggi daqiqasida Singapur hujumchisi Fandi boshi bilan darvozamizni aniq nishonga oldi: 1:1.
51-daqiqada Farrux Sayfiyevning chap qanotdan oshirgan to‘pini Eldor Shomurodov boshi bilan darvozaga joyladi: 1:2.
O‘yinning 91-daqiqasida Eldor Shomurodov raqiblarning ochiq qolgan darvozasini yana bir bor nishonga oldi.