O‘zbekiston SSRning sobiq birinchi rahbari Putin tomonidan mukofotlandi
16.01.2021 14:44,
2638
Rossiya Federasiyasi Prezidenti Vladimir Putin 1988-1989 yillarda O‘zbekiston SSR Kommunistik partiya markaziy qo‘mitasining sobiq birinchi kotibi Rafiq Nishonovni mukofotladi.
Bu haqida jurnalist Rahimjon Sultonov Facebook’dagi sahifasida ma’lum qildi. Jurnalistning yozishicha, Rossiya Prezidenti Vladimir Putin Rafiq Nishonovni 95 yoshga to‘lishi oldidan davlat oldidagi ulkan xizmatlari uchun “Aleksandr Nevskiy” ordeni bilan taqdirlagan.
Taniqli davlat va jamoat arbobi, Sovet davri diplomati Rafiq Nishonovich Nishonov Toshkent viloyati Bo‘stonliq tumani Gʻazalkent qishlog‘ida tug‘ilgan.