O‘zbekiston Turkiyadan koronavirusni ikki soatda aniqlab beradigan qurilmalarni xarid qiladi
15.02.2020 11:25,
912
Turkiya O‘zbekiston va Qirg‘izistonga koronavirus xavfini tezkor aniqlab beradigan mahalliy detektorlani yetkazib beradi. Bu haqda mamlakat sog‘liqni saqlash vazirligiga tayanib Reuters agentligi xabar bermoqda.
Turkiya sog‘liqni saqlash vaziri Fahriddin Ko‘janing so‘zlariga ko‘ra, detektorlar 99,6 % aniqlikda ishlaydi.
Detektorlar to‘plami JSST ma’lumotlari asosida ishlab chiqarilgan va u 90-120 daqiqada natijalarni aniqlab beradi. Bu Germaniya yoki Fransiyada ishlab chiqarilganlaridan yaxshiroq deydi vazir.
O‘zbekiston va Qirg‘iziston 10000 ta to‘plamga buyurtma bergan va ular yaqin orada yetkazib beriladi.