Oqo‘rda qarorgohida Shavkat Mirziyoyev va Qasim-Jomart Toqayev tor doirada muzokaralar o‘tkazdi.
Uchrashuv chog‘ida Shavkat Mirziyoyev ikki davlat iqtisodiyotlari raqobat qilmasligini, aksini bir-birini to‘ldirib turishini ta’kidladi. Uning so‘zlariga ko‘ra, joriy yilda tovar ayirboshlash rekord daraja — 4 mlrd dollarga yetishi kutilmoqda.
«Bugun strategik sherikligimizni ittifoqchilik munosabatlari darajasiga ko‘tarish to‘g‘risida tarixiy qaror qabul qilamiz», — dedi u.
«Mamlakatlarimiz o‘rtasidagi munosabatlar butun Markaziy Osiyo mintaqasida barqarorlik va xavfsizlikni ta’minlashning muhim omili bo‘lib xizmat qiladi», — dedi Qosim-Jomart Toqayev.
Ta’kidlanishicha, Qozog‘iston poytaxtida o‘tgan qo‘shma biznes-forumda 6 mlrd dollarlik kelishuv va shartnomalar imzolangan.