Bugun AOKA shtabida Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Atabekov ishtirokida brifing bo‘lib o‘tdi.

Brifingda muhim savol va murojaatlar yuzasidan javob qaytarildi.

— O‘zbekistonda antitanachalarga tahlil o‘tkazilyaptimi?

— Darhaqiqat, bugungi kunda ko‘pchilikni koronavirusga chalinmadimmi, degan savol qiziqtiradi. Antitanachalarga tahlil orqali kim koronavirus bilan alohida alomatlarsiz kasallanganini, ularning sonini aniqlash mumkin. Bu esa qo‘zg‘atuvchi virusning qanday harakatanishini tushunishga yordam beradi.

Biroq tashxisning oltin standarti — bu polimeraz zanjirli reaksiya usuli.  Test aniqligining o‘ziga xosligi qariyb 100%, u hatto inkubatsiya davrida ham eng yaxshi tashxis vositasi hisoblanadi.

Bugungi kunda mamlakatda laboratoriya tashxisi asosan PZR usulda amalga oshirilmoqda.