27 martda respublika hududlarida ba’zi joylarda yomg‘ir yog‘adi, momaqaldiroq bo‘ladi, shamol 15-20 m/s gacha kuchayadi. Havo harorati kechasi 8-13° iliq, kunduzi 17-22° iliq bo‘ladi.

28 martda O‘zbekistonning shimoliy hududlariga, 29 martda respublikaning barcha hududlariga Kavkaz hududlaridan nam va sovuq havo massalari kirib kelishi kutilmoqda.

Respublika bo‘yicha yomg‘ir yog‘adi, tog‘ oldi va tog‘li hududlarda yog‘ingarchilik bo‘ladi, ba’zi joylarda kuchli bo‘lishi mumkin. 28 martda yomg‘ir momaqaldiroq bilan kuzatiladi, shamol 15-20 m/s gacha kuchayadi.

28-29 martda Qoraqalpog‘istonda, Xorazm viloyatida, 29 martda Buxoro, Navoiy viloyatlarida yog‘ingarchilik kutilmaydi.

29 martga havo harorati 6-11° iliqgacha pasayadi.