O‘zbekistonda fuqarolarning 2020 yildagi o‘rtacha oyligi ma’lum bo‘ldi
28.01.2021 22:38,
869
O‘zbekistonda o‘rtacha oylik ish haqining eng yuqori darajasi moliyaviy va sug‘urta iqtisodiy faoliyatida kuzatilgan bo‘lib, 6 million 230,6 ming so‘mni tashkil etgan. Bu haqda Davlat statistika qo‘mitasining axborot xizmati xabar berdi.
Ma’lum qilinishicha, oylik ish haqining eng kam miqdori sog‘liqni saqlash va ijtimoiy xizmatlar ko‘rsatish faoliyatida 1 million 808,5 ming so‘m — o‘rtacha oylik ish haqining 67,8 foiziga to‘g‘ri kelishi kuzatilgan.
Shuningdek, boshqa sohalarning ham o‘rtacha oylik ish haqi quyidagicha tashkil etgan
- axborot va aloqa —4 million 368 ming
- sanoat — 3 million 682 ming
- tashish va saqlash — 3 million 405 ming
- qurilish — 3 million 212 ming
- savdo — 2 million 148 ming
- boshqa faoliyat turlari — 2 million 672 ming
- ta’lim — 1 million 979 ming