Ўзбекистонда ҳаво ҳарорати 46 даража иссиққача кўтарилиши кутилмоқда
2.06.2021 18:55,
444
3-7 июнда Эрон ҳудудларидан иссиқ ҳаво кириб келишининг кучайиши ҳисобига, Ўзбекистон ҳудудида иссиқ кўтарилиши кутилмоқда.
Ушбу кунларда ҳаво ҳарорати иқлимий меъёрлардан 7-10° га юқори бўлади.
Кундуз кунлари ҳаво 40-43° гача, жанубда ва чўл ҳудудларида баъзи жойларда 44-46° гача исийди.
Республика бўйича баъзи жойларда шамол чангли бўрон билан 17-22 м/с гача кучайиши мумкин.