O‘zgidromet xabariga ko‘ra, o‘tgan haftada Volgabo‘yi hududlaridan kirib kelgan salqin havo asta-sekin kuchsizlanadi. Salqin havo Qozog‘iston hududiga qarab chekinadi.
13 sentyabr kuni O‘zbekistonda harorat +27...+32 daraja bo‘lgan quruq va nisbatan salqin havo bo‘lishi kutilmoqda, bu ushbu kunlarning me’yoriy qiymatlariga yaqindir.
Ertaga va haftaning oxirigacha respublika hududi bo‘yicha kam bulutli va quruq ob-havo saqlanib turadi. Kechasi va erta tongda havo +12...+15 daraja atrofida salqin bo‘ladi, kunduz kunlari havo isiydi va harorat seshanba kuni +29...+34 darajadan hafta oxiriga kelib +32...+37 darajagacha asta-sekin ko‘tariladi.