O‘zbekistonda ishlab chiqariladigan Volkswagen Caddy narxlari ma’lum bo‘ldi

O‘zbekistonda ishlab chiqariladigan Volkswagen Caddy narxlari ma’lum bo‘ldi

Germaniyaning “Volkswagen” kompaniyasi O‘zbekistonda o‘z avtomobillarini ishlab chiqarishni yo‘lga qo‘ymoqda. “Volkswagen” modellari Jizzaxda barpo etilayotgan zavodda 2022 yilda yo‘lga qo‘yilishi rejalashtirilgan. Hozirda bu yerda qurilish-montaj ishlari qizg‘in ketmoqda.

27 iyul kuni “Volkswagen” O‘zbekiston avtomobil bozori uchun o‘z modellarining onlayn taqdimotini o‘tkazdi.

Hozircha, Volkswagen Caddy 3 xil namunada va 3 xil narx segmentida xaridorlarga havola qilinadi.

Volkswagen Caddy (Kasten). Narxi: 172 100 000 so‘m.  Avtomobili, asosan, yuk tashishga mo‘ljallangan. Uning o‘rtacha yonilg‘i sarfi 100 km.ga 7,1 litrni tashkil etadi. 

Volkswagen Caddy (Kombi). Narxi: 190 000 000 so‘m. Uning texnik ko‘rsatkichlari Volkswagen Caddy (Kasten) bilan bir xil. Farqi avtomobilning yuk va yo‘lovchi tashishga moslashtirilganida.

Volkswagen Caddy (Trendline). Narxi 221 900 000 so‘m.  U faqat yo‘lovchi tashishga mo‘ljallangan bo‘lib, haydovchi bilan birga 7 kishini tashiy oladi.