Pandemiya davrida, ya’ni joriy yil 15 martdan bugungi kunga qadar tez tibbiy yordamga aholi tomonidan qariyb 1 yarim million marta murojaatlar bo‘ldi.

Bu mamlakatimiz bo‘yicha kuniga o‘rtacha 30 mingdan ziyod chaqiriqlar tushganini ko‘rsatadi. Hozirda yurtimiz bo‘ylab kuniga 2 yarim mingta brigada tunu kun samarali faoliyat olib bormoqda.

Oxirgi uch yil ichida tez tibbiy yordam xizmatiga ajratilayotgan mablag‘ ham bir necha barobar oshdi. Jumladan, bitta chaqiriqqa tez tibbiy yordam ko‘rsatish maqsadida ishlatiladigan dori vositalari uchun sarflangan mablag‘ning narxi 2016 yilda 800 so‘m mablag‘ ajratilgan bo‘lsa, hozirda ushbu ko‘rsatkich 5800 so‘mni tashkil qilmoqda.

O‘tgan yil so‘nggida poytaxtimizga xorijdan 150 ta “Ford” rusumidagi eng zamonaviy reanimobillar olib kelindi.