Ayni vaqtda O‘zbekistonda koronavirusga qarshi kurashish bo‘yicha maxsus komissiya qarori, karantin choralarini kuchaytirish bo‘yicha brifing bo‘lib o‘tmoqda.
Unda koronavirusga qarshi kurash shtab a’zosi Habibulla Oqilov quyidagilarni ma’lum qildi:
"Bugungi ko‘rsatkich – bu biz bilgan statistika. Hali qancha tahlilga yetib bormagan, simptomsiz yurgan kasallar soni 2-3 baravar ko‘p bo‘lishi mumkin.
Avvalida PZR tahlil o‘tkazishda muammo yo‘q edi. Hozir kuniga 20-22 mingta tahlil o‘tkazilganda ham talab darajasiga yetkazib berolmayapmiz.
Avval 5-6 soatda javobi chiqqan bo‘lsa, hozir yig‘ilib qolgan tahlil namunalari natijasida javoblarni olishga 2-3 kun, 1 haftagacha vaqt ketyapti. Bu vaqt ichida bemor xalqni ichida yurib, kasallanish ko‘payishiga sabab bo‘lyapti" - dedi Habibulla Oqilov.