2020 yil 31 iyul soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 23 558 (+287) nafarni tashkil etmoqda. Bu haqda Sog‘liqni saqlash vazirligi jamoatchilik bilan aloqalar bo‘limi xabar bermoqda.
Yangi kasallanish holatlarining 111 nafari Karantin markazidagi fuqarolar (barchasi xorijdan kelgan) orasida, 112 nafari Toshkent viloyatida, 22 nafari Sirdaryo viloyatida, 17 nafari Qashqadaryo viloyatida, 15 nafari Namangan viloyatida hamda 10 nafar Navoiy viloyatida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Ayni paytda yurtimizda 13 680 nafar koronavirus infeksiyasiga chalingan fuqarolar (58 foiz) sog‘aygan.
Hozirda mamlakatimizda 9 741 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda. Ulardan 436 nafari og‘ir, 181 nafari esa o‘ta og‘ir ahvolda.