Shu yilning 8 sentyabr kuni mamlakatimizda 443 holatda kasallik qayd etildi. 7 sentyabr kuni 312, 6 sentyabr kuni 293, 5 sentyabr kuni 295, 4 sentyabr kuni 278, 3 sentyabr kuni 257 kishida koronavirus qayd etilgan edi.

Shu bilan birga, Toshkent shahrida 5 nafar, Toshkent viloyatida 1 nafar, jami 6 nafar koronavirusga chalingan bemor vafot etdi.

Bugun Toshkent shahri, Toshkent, Buxoro, Andijon, Namangan hamda Surxondaryo viloyatlarida jami 304 nafar bemor sog‘aydi.

Hozirda kasallik qayd etilgan jami 44 418 nafar bemordan 41 898 nafari sog‘ayib, davolanish ko‘rsatkichi 94 foizni tashkil etmoqda.

Ayni paytda tibbiyot muassasalarida davolanayotgan 2 160 nafar bemordan 402 nafari og‘ir, 226 nafari esa o‘ta og‘ir ahvolda.