AOKA huzuridagi shtabda bo‘lib o‘tgan brifingda Sanitariya-epidemiologik osoyishtalik agentligi direktorining birinchi o‘rinbosari Botir Qurbonov O‘zbekistonda koronavirus bilan bog‘liq vaziyat (12 iyun holatiga ko‘ra) bo‘yicha ma’lumot berdi.

Hozirda 4 819 nafar bemorda koronavirus infeksiyasi qayd etilgan. Shundan 3637 nafar (75%) bemor sog‘aygan, 1163 nafari davolanishda davom etmoqda;

11 iyun kuni mamlakat bo‘yicha 118 ta holat aniqlangan. Shundan 70 nafari karantin muassasasida, 39 nafari aholi orasida (Navoiy viloyatida 18 ta, Toshkent shahrida 17 ta, Namangan viloyatida 3 ta hamda Toshkent viloyatida 1 ta), 9 nafari xalqaro yuk tashuvchi avtomashina haydovchilari orasida aniqlangan;

Kecha 105 nafar bemor sog‘ayib, shifoxonadan chiqqan;

Virusologik laboratoriyalarda oxirgi bir kunda — 17 086 ta, epid mavsum davomida — 865 072 ta test sinovlari o‘tkazildi.