O‘zbekistonda oliygohlarga kirish test sinovlari qachon boshlanishi ma’lum bo‘ldi
27.07.2021 16:59,
176
O‘zbekistonda 5 avgustdan oliy ta’lim muassasalariga kirish test sinovlari boshlanadi. Bu haqda Oliy va o‘rta maxsus ta’lim vazirligi axborot xizmati xabar berdi.
Davlat komissiyasining 26 iyuldagi 2-son qaroriga ko‘ra, pandemiya sharoitidagi epidemiologik vaziyatdan kelib chiqib, 2021/2022 o‘quv yili qabulida oliy ta’lim muassasalariga kirish test sinovlari 5 avgustdan (qoida tariqasida, kuniga ikki smenada: 1-smena 07:00 dan, 2-smena 19:00 dan) boshlanishi hamda test sinovlari ochiq stadion va xiyobonlarda o‘tkazilishi belgilangan.