O‘zbekistonda pensiya va nafaqa to‘lash dam olish kunlarini hisobga olib, bir necha kunga kechiktiraladi. Bu haqda Pensiya jamg‘armasi matbuot xizmati xabar bermoqda.
Ma’lum bo‘lishicha, Prezidentning tegishli Farmoniga asosan 2021 yilning 31 dekabr va 2022 yilning 1-4 yanvar kunlari respublikamizda barcha soha vakillari uchun dam olish kuni deb e’lon qilindi.
Shu munosabat bilan xalqimiz o‘rtasida tushunmovchiliklar yuzaga kelishini oldini olish hamda pensiya va nafaqa oluvchilarning ovoragarchiliklariga yo‘l qo‘ymaslik maqsadida nafaqa va pensiya to‘lash bir muddatga kechiktiriladi.
Yanvar oyi uchun pensiya va nafaqalar naqd pul shaklida tarqatilishi hamda bank kartalariga yuklanishi 5-6 yanvar sanasidan boshlab belgilangan muddatlargacha to‘lanishi ta’minlanadi.