Rossiyaning Sankt-Peterburg politsiyasi xodimlari tadbirkorga hujum qilgani uchun qidiruvga berilgan O‘zbekiston fuqarosini hibsga oldi. Bu haqda Rossiya Ichki ishlar vazirligining Sankt-Peterburg va Leningraddagi viloyat bosh boshqarmalariga asoslanib, «Fontanka» xabar berdi.
Ma’lum qilinishicha, O‘zbekiston fuqarosi — 25 yoshli ijarachi U.T. «Granit» maxsus tezkor otryadi tomonidan 18 mart kuni Marshal Kazakov ko‘chasidagi xonadonlardan birida qo‘lga olingan.
Xabarlarga ko‘ra, U.T. tadbirkorga hujum qilgani uchun O‘zbekistonda qidiruvga berilgan. Oziq-ovqat do‘koni egasiga 2020 yil yozida bir nechta shaxslar tayoq va bitalar bilan hujum qilgan. Hodisaning barcha ishtirokchilari zudlik bilan hibsga olingan. Ammo U.T. Rossiyaga qochib ketishga muvaffaq bo‘lgan. Sankt-Peterburgda u qurilish maydonchalarida ishlab kelgan.
Hozirda qo‘lga olingan shaxs hududiy politsiya bo‘limiga olib ketilgan bo‘lib, yaqin kunlarda uni O‘zbekistonga ekstraditsiya qilish masalasi hal qilinadi.