O‘zbekistonda Twitter va TikTok’ning ishlashi sekinlashdi

O‘zbekistonda Twitter va TikTok’ning ishlashi sekinlashdi

Bugun, 2 iyul kuni ertalabdan o‘zbekistonliklar Twitter va TikTok platformalariga kirishda muammolarga duch kelmoqda. Avvalroq “O‘zkomnazorat” ularni ogohlantirgan edi. 16 apreldan “Shaxsga doir ma’lumotlar to‘g‘risida”gi qonunga yangi qo‘shilgan 27-1 modda kuchga kirgan. Bu moddaga ko‘ra, O‘zbekiston fuqarolarining shaxsiga doir ma’lumotlar jisman O‘zbekiston Respublikasi hududida joylashgan serverlarda saqlanishi talab qilinmoqda.

Ma’lum qilinishicha, Axborotlashtirish va telekommunikatsiyalar sohasida nazorat bo‘yicha davlat inspeksiyasi (“O‘zkomnazorat”) matbuot kotibi TikTok ijtimoiy tarmog‘ida “nimadir bo‘layotgani”ni rad etmagan va bir necha soatlarda bu haqda rasmiy ma’lumot berilishini bildirgan.