16 mart kunidan e’tiboran O‘zbekiston jahonning barcha mamlakatlari bilan avia va avtomobil qatnovlari to‘xtatiladi. Bu haqda O‘zbekiston Respublikasi bosh vaziri Abdulla Aripov maxsus brifing chog‘ida ma’lum qildi, deb yozmoqda Kun.uz nashri.
Shu bilan birgalikda, temir yo‘l orqali yo‘lovchi tashishga uch kun davomida ruxsat beriladi. Bu masala ham yaqin vaqt ichida ko‘rib chiqiladi.
Endilikda O‘zbekiston fuqarolarining chet davlatlarga chiqishi, chet davlat fuqarolarining O‘zbekistonga kirishi taqiqlanadi. Chet davlatlarda qolgan o‘zbekistonliklarning qaytishiga shart-sharoit yaratiladi, ular vatanga olib kelinib, karantinga joylashtirilishi mumkin.