O‘zgidromet xabariga ko‘ra, 29 va 30 noyabr kunlari O‘zbekiston hududi bo‘yicha quyoshli va ochiq ob-havo bo‘lishi kutilmoqda, tushdan so‘ng havo +12…+17 darajagacha bo‘ladi, kechalari esa +3…+6 darajani tashkil etadi.
Qishning birinchi kunlari anomal iliq ob-havo bo‘ladi. 1-2 dekabrda xorijiy janubiy hududlardan iliq havo massalari kirib kelishi kutilmoqda, harorat kechalari +6…+9 daraja bo‘ladi, kunduzi esa +17…+22 darajagacha ko‘tariladi. Bu dekabr oyi boshi uchun bo‘lgan me’yordan 8-11 darajaga yuqoridir.
2 dekabrda shimoliy hududlarga biroz nam va salqin havo massalari kirib kelishi kutilmoqda, buning hisobiga Qoraqalpog‘istonda va Xorazm viloyatida ba’zi joylarda yomg‘ir yog‘ishi mumkin.
3 dekabrda havo massalarining kirib kelishi respublikaning qolgan hududlariga tarqaladi. Respublikaning shimoliy hududlari va Farg‘ona viloyatidan tashqari ayrim tumanlarida biroz yomg‘ir yog‘ishi ehtimoli bor.
3 dekabrda harorat foni nisbatan pasayadi, lekin me’yordan yuqori bo‘ladi. Kunduzgi havo harorati +13…+18 darajani tashkil etadi.