Ozodbek Nazarbekov bog‘chalarda har kuni maqom va milliy kuylar qo‘yish taklifi bilan chiqdi. Bu haqda Madaniyat vazirligi Axborot xizmati ma’lum qildi.

Shunga ko‘ra, endilikda maktabgacha ta’lim muassasalarida bolalarga maqom va boshqa milliy kuylar qo‘yib beriladi. Ushbu loyiha Madaniyat va Maktabgacha ta’lim vazirligi o‘rtasida imzolangan memorandum asosida amalga oshirilishi kutilmoqda.

Madaniyat vazirligi  maktabgacha ta’lim muassasalari uchun maqom kuylaridan saralangan maxsus musiqiy to‘plam yaratgan.  Bolalarni muntazam maqom kuylari bilan bahramand etish rejalashtirilgan. Bolalarga ularning tushlik  dam olish vaqtlarida belgilangan me’yor asosida maqom kuylari qo‘yib beriladi.