Har yili bo‘ladigan Bangkok avtosaloni koronavirus pandemiyasi davrida ochilgan ilk avtoko‘rgazma bo‘ldi.
Tadbir mart oyida bo‘lib o‘tishi kerak edi, lekin ikki marta qoldirildi.
Rasmiy xabarlarga ko‘ra, koronavirus qayd etilishi bo‘yicha jahonda 100 o‘rinda turgan Tailandda 3,2 ming bemor koronavirus bilan kasallangan 3,1 minggi allaqachon tuzalib chiqqan.
Ko‘rgazmada 25 avtomobil markasi va 22 mototsikl ishlab chiqaruvchisi qatnashadi.
Ammo ko‘rgazma avvalgilaridan farqli tashkillashtirilgan - har bir stend oldida kirish va chiqish joylari mavjud, bu yerda tashrif buyuruvchilar QR kodlarini skanerlashlari kerak.
Salon xodimlariga niqob va boshqa himoya vositalaridan foydalanish majburiy etib belgilangan.
O‘tgan yili namoyishga millionga yaqin kishi tashrif buyurgan bo‘lsa, COVID-19 davrida ushbu raqamlar biroz kamtarroq bo‘lmoqda.