Tolibon rejimini ma’qullamagan sobiq afg‘on rasmiylari mamlakatning Milliy qarshilik frontini qo‘llab-quvvatlovchi kengashni tuzadi. Bu haqda Dushanbeda o‘tkazilgan matbuot anjumanida Afg‘onistonning Tojikistondagi elchisi Muhammad Zohir Ag‘bar ma’lum qildi — deya xabar bermoqda ’Sputnik O‘zbekiston’.
Unga ko‘ra, ular yaqin vaqtlarda kengashni chaqirishni rejalashtirmoqda.
"Afg‘onistonning siyosiy liderlari, shu jumladan marshal Abdul-Rashid Do‘stum, yaqinda Milliy qarshilik frontini qo‘llab-quvvatlash kengashini tuzadilar",- dedi elchi.
Diplomat respublikaning yangi hukumati bilan ishlash niyati yo‘qligini ta’kidladi, chunki u inklyuziv hukumat emas. Endi u mamlakat sobiq vitse-prezidenti Amrulla Solihning Tojikistondagi vakili bo‘ladi.
Ag‘bar jahon hamjamiyatini kuni kecha e’lon qilingan Afg‘oniston Vazirlar Mahkamasi tarkibini tan olmaslikka chaqirdi.