7 mart kechasi soat taxminan 23:30 atrofida Toshkent viloyati Parkent tumanining dehqon bozorida katta yong‘in kelib chiqdi. Bu haqda Toshkent viloyati hokimligi axborot xizmati xabar berdi.
Dastlabki xulosalarga ko‘ra, yong‘in elektr energiyasidan noto‘g‘ri foydalanish oqibatida kelib chiqqan. Halok bo‘lganlar yoki jarohat olganlar yo‘q.
Voqea joyiga viloyat hokimi Rustam Xolmatov yetib borgan. Yong‘in sabablarini chuqur o‘rganish hamda oqibatlarini bartaraf etish bo‘yicha mutasaddilarga ko‘rsatmalar berdi.
Bozor faoliyati vaqtincha to‘xtatilgan.