Rossiya hukumati yong‘inga qarshi qoidalar o‘zgarganini tasdiqladi. Bunga ko‘ra ko‘pqavatli uylar, mehmonxona va yotoqxonalarning peshayvonlarida (balkon) ochiq olovdan foydalanish taqiqlandi. Bu haqda ayni o‘zgarishlar tashabbuskori bo‘lgan Rossiya FVV matubot xizmati payshanba kuni TASSga xabar berdi.

“Rossiya hukumati yong‘in xavfsizligini ta’minlashga qaratilgan bir qator o‘zgarishlarni tasdiqladi. Endi xonadonlarning peshayvonlarida, yotoqxonalarning yashash xonalarida va mehmonxonalar ichida ochiq olovdan foydalanish qonunan taqiqlandi”, dedi agentlik suhbatdoshi. Shunday qilib, rossiyaliklar peshayvonda kabob pishira olmaydi, gulxan yoqishi va chekishi ham mumkin emas.

Yong‘inga qarshi yangi qoida 1 oktyabrdan kuchga kiradi.