Minglab Ukraina fuqarolari chegara yopilishi fonida vatanga qaytish uchun mamlakatning Polsha bilan g‘arbiy chegarasida to‘planishdi. 

Mahalliy OAVga ko‘ra, odamlar Ukrainaga olib ketilishi rejalashtirilgan avtobuslarni kutib, neytral zonada to‘planib qolishgan. 

"Chegarada qiyomat qo‘pgan - minglab odamlar yuklari bilan bir-birini turtgan, asabiy. Distansiya yo‘q, ko‘pchiligida niqob ham yo‘q", deydi «Strana.ua» nashri suhbatdoshlaridan biri.

Bugunning o‘zida chegarani 10 ming fuqaro kesib o‘tgan.