Prokratura departamentning Zangiota tuman bo‘limi tomonidan o‘tkazilgan tezkor tadbirda, “E.” MChJ rahbari o‘rinbosari jamiyatga tegishli issiqxona qurilishi uchun ajratilgan yer maydonining topografik fotosuratini tasdiqlash evaziga “Yer tuzish va ko‘chmas mulk kadastri” Zangiota tuman filiali bo‘limi boshlig‘iga 1 000 AQSh dollari pora taklif qilib, bergan vaqtida ashyoviy dalillar bilan ushlangan edi.
Kadastr bo‘limi boshlig‘i o‘ziga nisbatan pora taklif qilinayotganligi to‘g‘risida huquqni muhofaza qiluvchi organlarga o‘z vaqtida xabar berganligi va fuqaroning noqonuniy xatti-harakatlarini fosh etishda faol ishtirok etganligi inobatga olinib, Kadastr agentligi rahbariyati tomonidan 10 mln so‘m pul mukofoti hamda Xonobod sihatgohiga 2 kishilik yo‘llanma bilan rag‘batlantirildi.