Toshkentda elektromobillar bilan taksi xizmatlarini yo‘lga qo‘yish rejalashtirilmoqda. Bu haqda poytaxt hokimligi matbuot xizmati xabar beradi.

“Bu 100% elektr avtomobil. Bitta quvvat bilan elektromobil shahar sharoitida 419 km, magistralda esa 540 km yo‘l bosishi mumkin. 

53 kVt quvvatga ega akkumlyatorlardan foydalaniladi. Avtomobil harakatlanishining tannarxi kilometrga 50-60 so‘m turadi", - dedi Xitoy kompaniyasining vakili Azamat Rashidov.

Avtomobillar narxlari ularning turlariga qarab $23 mingdan - $25 mingni tashkil qiladi. 

Rashidovning so‘zlariga ko‘ra, mahalliy tadbirkorlardan biri taksi xizmati sifatida foydalanmoqchi bo‘lgan ushbu 500 ta mashinaga buyurtma bergan.

Mashinalarni uyda quvvatlantirish mumkin - bu 19 soat vaqtni oladi, ammo taksilar uchun 10 ta maxsus quvvatlovchi stansiyalar o‘rnatish rejalashtirilgan, bu 30 daqiqada avtomobilni quvvatlantirish imkon beradi.