O‘zbekiston prezidenti Shavkat Mirziyoyev 19 may kuni «Rossiyskiye jeleznie dorogi» kompaniyasi («RJD» OAJ) bosh direktori — boshqaruvi raisi Oleg Belozyorovni qabul qildi. Bu haqda davlat rahbari matbuot xizmati xabar qildi.

Uchrashuvda jumladan, qishloq xo‘jaligi mahsulotlarini tashish mexanizmlarini yo‘lga qo‘yish va yo‘lovchi poyezdlarining qatnovini qayta tiklash, «Mozori Sharif — Kobul — Peshovar» temir yo‘lini qurish loyihasini birgalikda ilgari surish masalalari ko‘rib chiqildi.

RJD matbuot xizmati Toshkentda Oleg Belozyorov hamda O‘zbekiston bandlik va mehnat munosabatlari vaziri Nozim Husanov Rossiya hududida temir yo‘l infratuzilmalari ob’yektlari qurilishiga o‘zbekistonlik mutaxassislarni jalb qilishni ko‘zda tutgan memorandumni imzolaganini xabar qildi.