Amaldagi prezident Shavkat Mirziyoyev 2016 yilning 4 dekabrida bo‘lib o‘tgan prezident saylovlarida 88,61 foiz ovoz bilan g‘olib bo‘lgan. Davlat rahbari hozircha o‘zining kelgusi prezident saylovlariga oid rejalarini e’lon qilmadi.

2021 yil uchun davlat dasturi loyihasining 19-bandida O‘zbekiston Respublikasi prezidenti sayloviga tayyorgarlik ko‘rish va uni yuksak saviyada o‘tkazish bo‘yicha aniq choralarni belgilash ko‘rsatilgan. 

Dasturda:

• saylov komissiyalari a’zolarining saylov qonunchiligi va xalqaro standartlar bo‘yicha bilimlarini tizimli asosda oshirish;
• xalqaro kuzatuvchilar tomonidan berilgan tegishli tavsiyalarni milliy qonunchilik va amaliyotga tatbiq etish bo‘yicha takliflarni ishlab chiqish;
• aholining elektoral madaniyatini yuksaltirish bo‘yicha aniq vazifalarni belgilash nazarda tutiladi.

Chora-tadbirlar dasturini bajarish muddati sifatida 2021 yilning 21 mart sanasi belgilangan.