Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Prezident yangi qarorni imzoladi
27.03.2021 09:51,  
1613

O‘zbekiston Respublikasi Prezidentining «Ma’naviyat va ijodni qo‘llab-quvvatlash maqsadli jamg‘armasini tashkil etish to‘g‘risida»gi qarori qabul qilindi.

Mamlakatimizda ma’naviy-ma’rifiy ishlar samaradorligi va ta’sirchanligini oshirish, ko‘p millatli xalqimiz o‘rtasida hamjihatlik va hamkorlikni yanada mustahkamlash, milliy qadriyat, an’ana va urf-odatlarni keng targ‘ib qilish, badiiy ijod va kitobxonlik madaniyatini faol qo‘llab-quvvatlash maqsadida Respublika Ma’naviyat va ma’rifat markazi, O‘zbekiston Yozuvchilar uyushmasi, «Ijod» jamoat fondi vasiylik kengashining «Ijod» jamoat fondi tasarrufidagi O‘zbekiston Yozuvchilar uyushmasi poliklinikasi, «Do‘rmon» ijod uyidan foydalanish direksiyasi» unitar korxonasi va «Oqqum fayz baraka» sho‘’ba korxonasi hamda ularga tegishli bo‘lgan barcha mol-mulk, bino va inshootlarni O‘zbekiston Yozuvchilar uyushmasiga o‘tkazish;

«Ijod» jamoat fondi negizida Respublika Ma’naviyat va ma’rifat markazi huzurida yuridik shaxs maqomisiz Ma’naviyat va ijodni qo‘llab-quvvatlash maqsadli jamg‘armasini tashkil etish va ilovaga muvofiq uning vasiylik kengashi tarkibini tasdiqlash to‘g‘risidagi takliflari ma’qullandi.

Moliya vazirligi Jamg‘armaga 2021 yilda 120 milliard so‘m, jumladan, Respublika Ma’naviyat va ma’rifat markaziga mamlakat miqyosida ma’naviy-ma’rifiy ishlarni samarali tashkil etish uchun 10 milliard so‘m, uning hududiy bo‘limlariga joylarda ma’naviy-ma’rifiy sohalarni rivojlantirish uchun 90 milliard so‘m, O‘zbekiston Yozuvchilar uyushmasi faoliyatini qo‘llab-quvvatlash uchun 20 milliard so‘m mablag‘ ajratiladi.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан