Prezident yig‘ilishida sustkashlik uchun ishdan olingan Qahramon Olimov yangi lavozimga tayinlandi

Prezident yig‘ilishida sustkashlik uchun ishdan olingan Qahramon Olimov yangi lavozimga tayinlandi

Xabaringiz bor Shavkat Mirziyoyev shu yil 24 may kuni maktabgacha ta’lim qamrovini kengaytirish bo‘yicha yig‘ilish o‘tkazgan edi. Ushbu yig‘ilishda faoliyatidagi sustkashligi uchun Maktabgacha ta’lim vazirining birinchi o‘rinbosari Qahramon Olimov ishdan olingan edi.

Ma’lum bo‘lishicha, Olimov yangi lavozimga tayinlangan — deya yozmoqda ’Everyday’ nashri.

Qahramon Olimov endilikda A.I.Gersen nomidagi Rossiya davlat pedagogika universiteti Toshkent filiali direktori lavozimida faoliyat yuritadi. Ta’kidlanishicha, mazkur OTMda “Maktabgacha ta’lim”, “Maxsus pedagogika (Surdopedagogika, Tiflopedagogika, Oligofrenopedagogika)”, “Psixologiya”, “Rus tilini o‘qitish nazariyasi va metodikasi” va “Psixologiya va ijtimoiy pedagogika” ta’lim yo‘nalishlarida talabalar o‘qitiladi.