«Tajribasizlik haqidagi fikrga qo‘shilaman. Biz siyosiy erkinlikni his qila boshlaganimizga endi 5 yil bo‘ldi. Yana muhim jihati, tajriba xatolar bilan olinadi. Xatolar uchun boshlar olinmaydigan davrda tajriba olayotganimiz ham katta yutug‘imiz. Buni e’tirof etmaslik noinsoflik deb hisoblayman» – dedi Prezidentlikka nomzod Alisher Qodirov o‘z elektorati bilan uchrashuvda.

O‘ylaymanki, O‘zbekistonchalik ayollarini qadrlaydigan mamlakatlar juda kam. O‘zbekiston o‘z xalqini moliyaviy qo‘llab-quvvatlash borasida dunyoga namuna bo‘la oldi. «Ayollar daftari», «Yoshlar daftari» , «Temir daftar»larning yuritilishi bunga yaqqol misoldir. Biz aynan ushbu tizimni yanada takomillashtirish tarafdorimiz, deya qo‘shimcha qildi Qodirov.