Fransiyaning «PSJ» klubi hujumchisi Kilian Mbappe fevral oyida Ispaniyaning «Real» jamoasi bilan dastlabki shartnomani imzolashi mumkin. Bu haqda «Marca» nashri xabar bermoqda.
Qayd etilishicha, qirollik klubi vakillari fransiyalik futbolchining agentiga shartnoma shartlarini jo‘natgan.
Mbappe 2017 yilda «Monako»dan «PSJ»ga o‘tgandi. Parijliklar tarkibida u uch karra Fransiya chempioni (2017/18, 2018/19, 2019/20), ikki karra Liga kubogi (2017/18, 2019/20), ikki bor Superkubok (2019, 2020), shuningdek, uch marta Fransiya kubogi (2017/18, 2019/20, 2020/21) sohibi bo‘lgan.
Transfermarkt portali ma’lumotlariga ko‘ra, Mbappening ayni paytdagi transfer bahosi 160 million yevroni tashkil etadi. Ayni damda u dunyodagi eng qimmat futbolchi hisoblanadi.