"Pul yo‘q, qayerga borsang bor!" "Mikrokreditbank" tablosida nega bunday yozuv paydo bo‘ldi

Ijtimoiy tarmoqlarda “Mikrokreditbank”ka tegishli 24/7 shoxobchasining ichki qismidagi elektron tabloda  “Pul yo‘q, qayerga borsan bor” deb yozilgan videolavha tarqaldi.

Ushbu holat bo‘yicha “Mikrokreditbank” axborot xizmati rahbari S.Ochilov izoh berdi.

Aniqlanishicha, voqea Sirdaryo viloyatining Guliston shahridagi «Mikrokreditbank”ning 24/7 rejimida ishlovchi shaxobchasida bo‘lgan. Ma’lumotlar  “Mikrokreditbank” xodimlari tomonidan emas, balki elektron tabloga  masofadan bog‘lanish funksiyasi orqali bog‘langan holda noma’lum shaxslar tomonidan o‘zgartirilgan. 

Bank matbuot xizmati xodimining aytishicha, o‘sha vaqtda o‘sha bankomatda 241 mln. so‘m pul bo‘lgan. Shuningdek, keltirilgan noqulayliklar uchun uzr so‘rab, ushbu holat bank tomonidan nazoratga olinib, kelgusida bu kabi holatlarning oldini olish choralari ko‘rilayotganligi ma’lum qilindi.