Rossiya prezidenti Vladimir Putin Donetsk va Lugansk respublikalari mustaqilligini tan oldi. Davlat rahbari 21 fevral kuni «Donetsk xalq respublikasini tan olish to‘g‘risida»gi va «Lugansk xalq respublikasini tan olish to‘g‘risida»gi farmonlarni imzoladi.
Vladimir Putin DXR rahbari Denis Pushilin va LXR rahbari Leonid Pasechnik bilan birgalikda respublikalar o‘rtasida do‘stlik, hamkorlik va o‘zaro yordam to‘g‘risidagi shartnomani imzolagan. Marosim yakunida Rossiya prezidenti ikkala respublika rahbarlari bilan ham suhbatlashgan.
Rossiya yetakchisining bu boradagi bayonotiga qadar Yevropa Ittifoqining tashqi siyosat va xavfsizlik masalalari bo‘yicha oliy vakili Josep Borrel Yevropa Ittifoqining Rossiyaga qarshi sanksiyalari paketi tayyor ekanini ma’lum qilgandi.