Ijtimoiy tarmoqda tarqalgan, "Qamchiq" davonida yuk avtomobili ishtirokida sodir bo‘lgan YTH yuzasidan ma’lumot  berildi.

Dastlabki ma’lumotlarga ko‘ra, bugun, 2022 yil 3 aprel kuni soat 13:00 larda, Toshkent viloyati, Ohangaron tumani hududidan o‘tgan A-373 avtomobil yo‘lida haydovchi, 1979 yilda tug‘ilgan M.K. tirkama ulangan "Mercedes-benz" rusumli yuk transport vositasida harakatlanayotib, yo‘lning 197-kilometriga yetgan vaqtda, xavfli burilish joyida boshqaruvni yo‘qotishi oqibatida yuk avtomobili va tirkama ag‘darilgan.

YTH natijasida tan jarohati olgan fuqarolar yo‘q. FVB va YHXB xodimlari tomonidan haydovchiga amaliy yordam ko‘rsatilib, YTH oqibatlari bartaraf etilgan.

Ushbu YTH yuzasidan Ohangaron tumani IIB YHXB xodimlari tomonidan surishtiruv olib borilmoqda.