Ichki ishlar vazirligi Yo‘l harakati xavfsizligi bosh boshqarmasi xabar berishicha, 5 mart kuni soat 00:01 dan Qamchiq dovonida transport vositalari harakati vaqtincha to‘xtatilgan.
Qayd etilishicha, bu qor yog‘ishda davom etayotgani, kuchli shamol hamda Gidrometeorologiya markazining 126-sonli xabarnomasi asosida qor ko‘chishi xavfi yuzaga kelishi mumkinligi sababli, turli ko‘ngilsiz hodisalarning oldini olish maqsadida amalga oshirilgan.
Harakat to‘xtatilgan vaqtda avtomobil yo‘lini qordan tozalash ishlari olib borilgan.