13 dekabr kuni soat 19:00 dan 14 dekabr kuni soat 9:00 ga qadar «Toshkent-O‘sh» avtomobil yo‘lining 258, 259 va 265 km hududlarida jami 3 ta holatda 13 ta avtotransport vositalari sabab YTHlar sodir bo‘lgan.
Bunga muzlama yo‘llarda boshqaruvni yo‘qotish sabab bo‘lgan.
FVV xabariga ko‘ra, voqea joyiga FVV «Qamchiq» maxsus qidiruv, yong‘in-qutqaruv boshqarmasi va boshqa tegishli tashkilot xodimlari zudlik bilan yetib borib, YTH oqibatlarini bartaraf etdilar.
Yuzaga kelgan vaziyatlar oqibatida tan jarohati olgan va halok bo‘lganlar yo‘q.